TeliaSonera-nın Azercell-dəki hissələrini hansı şirkət alır?

30-12-2015 / 18:56

Məlumat  verdiyimiz kimi, sentyabr ayında TeliaSonera Avrasiya bazarını tərk etdiyi barədə məlumat yayılmışdı.

Qeyd edildi ki, şirkət yeni strategiyası çərçivəsində diqqətini Avropa, xüsusilə də İsveçdə fəaliyyətə ayıracaq və Avrasiya regionunda, o cümlədən Nepal, Qazaxıstan, Özbəkistan, Azərbaycan, Gürcüstan, Moldova və Tacikistanda iştirakını azaldacaq.

Bloomberg agentliyinin yaydığı məlumatda isə Türkiyənin iri mobil rabitə operatoru Turkcell İsveç-Finlandiya şirkəti TeliaSonera-nın Azərbaycanın ən iri mobil rabitə şirkəti Azercell-dəki payını almaq üçün danışıqlara başladığını bildirmişdi.

“Bizim şirkətin ən böyük sərmayədarı TeliaSonera şirkətidir. TeliaSonera öz biznesini Avrasiya regionundan çıxararaq diqqəti Avropaya, xüsusilə də Baltikyanı və Skandinaviya ölkələrinə yönəldəcək. Hazırda TeliaSonera şirkəti ilə potensial alıcılar arasında bu barədə danışıqlar gedir”.

Bunu məsələyə münasibət bildirən Azercell şirkətinin prezidenti Vahid Mürsəliyev Trend-ə müsahibəsində deyib.

O qeyd edib ki, TeliaSonera Avrasiya regionunu, əsasən, Fintur Holdings üzərindən idarə edir.

Fintur Holding şirkətində isə təsisçilərdən biri Turkcell, digəri isə TeliaSonera şirkətidir:

“İlkin imtina hüququndan istifadə edərək, Fintur Holdings-ə TeliaSonera-nın hissələrini almaq üçün ilkin olaraq Turkcell şirkəti maraq göstərir və bu barədə press-reliz yayımlayıb. Hazırda bu məsələ ilə bağlı danışıqlar davam edir. Amma əminəm ki, cəmiyyətə açıqlana biləcək məlumat olan kimi, TeliaSonera dərhal bu məlumatı açıqlayacaq”.

Vahid Mürsəliyev bildirib  ki,  Avrasiya regionunda TeliaSonera şirkətlərinə məxsus, Nepalda fəaliyyət göstərən Ncell şirkətinin bir müddət öncə Malayziyanın Axiata şirkəti tərəfindən alınması ilə bağlı razılıq əldə olunub. Onun sözlərinə görə, cəmi bir neçə saat sonra isə TeliaSonera şirkəti bununla bağlı rəsmi məlumat yayıb:

“Demək istəyirəm ki, eyni qayda digər şirkətlərlə bağlı baş verəcək və əgər hər hansı razılıq əldə olunarsa, TeliaSonera özü dərhal bu barədə ictimiayyətə məlumat verəcək. Bu, kifayət qədər böyük bir addımdır və ola bilər ki, bir neçə ay davam etsin. Çünki söhbət çox böyük bir alqı-satqıdan gedir”.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.