Azercell-in adı dəyişə bilərmi?-Açıqlama

24-02-2016 / 12:07

Məlumat verdiyimiz kimi, ötən il TeliaSonera şirkəti Avrasiya regionunda fəaliyyətinin dayandırılması barədə qərar qəbul etdi.

TeliaSonera əsas səylərini və resurslarını Avropa ölkələrinə, o cümlədən, İsveçə yönəldəcək.

Azercell-in prezidenti Vahid Mürsəliyev TeliaSonera şirkətinin bu qərarının  şirkətə təsirindən danışıb.

 O deyib ki,  səhmdarın dəyişməsi vaxt aparan işdir. Amma buna baxmayaraq Azercell fəaliyyətini davam etdirir:

“Abunəçilərimiz hiss etməyəcək, bizim fəaliyyətimiz olduğu kimi davam edəcək. Yeni səhmdarın gəlişi ilə əlaqədar inkişaf istiqamətlərində hər hansı dəyişikliyin baş verib verməycəyi isə şirkətimizin gələcək strategiyasından asılı olacaq”.

Onun sözlərinə görə, TeliaSonera-nın getmə xəbəri şirkətin fəaliyyətinə heç bir təsir etməyib:

“Əksinə, bu xəbər işçilərimizin məsuliyyətini artırdı. TeliaSonera kimi nəhəng şirkətlə işləmək  Azercell-ə böyük təcrübə qazandırdı. TeliaSonera –nın təcrübəsi bizə bu il yardım edəcək. Onların təcrübəsini  uzun vaxt tətbiq edəcəyik”.

Vahid Mürəsliyev Azercell brendinin dəyişdirlməsinin gözlənilməsi məsələsinə də toxunub. 

O qeyd edib ki, hələlik bu barədə nəsə demək çətindir. Onun sözlərinə görə, bu, yeni gələn səhmdardan asılı olacaq. 

Məltəm Talıbzadə 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.