“Azərkosmos” Türkiyənin kosmik sahədə fəaliyyət göstərən aparıcı şirkətlərdən biri olan “Plan-S” şirkəti ilə əməkdaşlıq müqaviləsi imzalayıb.
Xeberler.az məlumat verir ki, imzalanma mərasimi “Azərkosmos”un ev sahibliyi etdiyi Kosmik Texnologiyalar Konfransı çərçivəsində baş tutub.
Tərəflər arasında əldə edilən razılaşma “Plan-S” şirkətinin “Connecta IoT” adlı innovativ peyk şəbəkəsinin Azərbaycanda tətbiqinə dair kommersiya fəaliyyətlərinə start verilməsini və gələcək əməkdaşlıq üçün ümumi çərçivənin formalaşdırılmasını nəzərdə tutur. Bu əməkdaşlıq Azərbaycanın rəqəmsal və kosmik texnologiyalar sahəsində inkişafını dəstəkləməklə yanaşı, regionda peyk əsaslı “IoT” (Əşyaların İnterneti) xidmətlərinin genişlənməsi baxımından da əhəmiyyətli addımdır.
Qeyd edək ki, “Connecta IoT” - “Plan-S” tərəfindən yaradılmış aşağı orbitli peyklərdən ibarət şəbəkədir və genişmiqyaslı Əşyaların İnterneti (IoT) həlləri üçün nəzərdə tutulub. Bu sistem vasitəsilə dünyanın istənilən nöqtəsində yerləşən sensorlar və cihazlar vasitəsilə real vaxtda məlumat ötürülməsi mümkündür. “Connecta IoT” xüsusilə kənd təsərrüfatı, enerji, nəqliyyat və ətraf mühitin monitorinqi sahələrində istifadə oluna bilər.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları