TEXNOLOGİYA

Tacikistanın və Azərbaycan arasında qarşılıqlı fəaliyyətin perspektivli istiqamətlərindən biri yeni texnologiyalar və sənayenin rəqəmsallaşdırılması sahəsində əməkdaşlıqdır.

Xeberler.az məlumat verir ki, bunu Tacikistanın sənaye və yeni texnologiyalar nazirinin müavini Baxtiyor Safarzoda Bakıda keçirilən Azərbaycan-Tacikistan Biznes Forumunda bildirib.

O, sənaye müəssisələrinin rəqəmsallaşdırılmasının prioritet istiqamətlərinin müəyyənləşdirilməsi üçün birgə işçi qrupunun yaradılmasını nəzərdən keçirməyi təklif edib: "Emal sənayesi sahəsində birgə innovasiya mərkəzlərinin və texnoparkların yaradılması imkanlarını nəzərdən keçirməyi təklif edirik. Maşınqayırma sahəsində sənaye, nəqliyyat və kənd təsərrüfatı texnikası ilə təminat məqsədilə iki ölkənin profilli müəssisələri arasında əməkdaşlığın qurulmasını vacib hesab edirik. Bu istiqamətdə Tacikistan ərazisində birgə yığma və servis müəssisələrinin yaradılması mümkündür. Həmçinin kimya sənayesi sahəsində, o cümlədən mineral gübrələrin, tikinti kimyəvi materiallarının, məişət və sənaye kimyəvi məhsullarının istehsalı daxil olmaqla, əməkdaşlıq imkanlarının öyrənilməsini təklif edirik. Tacikistan göstərilən sahədə birgə layihələrin həyata keçirilməsi üçün zəruri xammal bazasına malikdir.

Onun sözlərinə görə, tikinti materialları sənayesi sahəsində Azərbaycan tərəfdaşları tərəfindən tacik məhsullarının alışının artırılması imkanını nəzərdən keçirilə bilər: "Əlavə perspektivlər dekorativ daşın emalı və yüksək əlavə dəyərli tikinti məhsullarının istehsalı üzrə birgə müəssisələrin yaradılmasını əhatə edir. Yüngül sənaye də ikitərəfli əməkdaşlığın perspektivli istiqamətlərindən biridir. Bu baxımdan təbii liflərin emalı, ipəkçilik və tekstil məhsullarının istehsalı sahəsində əməkdaşlığın intensivləşdirilməsini təklif edirik. Baramaların emalı, ipək parçaların, tekstil məhsullarının və xalçaların istehsalı üzrə birgə müəssisələrin yaradılmasını perspektivli hesab edirik. Həmçinin xammalın emalından hazır məhsulun buraxılışına qədər tam əlavə dəyər zəncirlərinin formalaşdırılması məqsədəuyğun görünür".

Nazir müavini qida sənayesi sahəsində alkoqolsuz içkilərin, butulkalara doldurulmuş suyun, meyvə-tərəvəz konservlərinin, qənnadı məmulatlarının və qida yarımfabrikatlarının istehsalı üzrə birgə müəssisələrin yaradılmasının nəzərdən keçirilməsini də təklif edib: "Əməkdaşlığın mühüm istiqaməti həmçinin Tacikistanın qida sənayesinin istehsal güclərinin modernizasiyası və bərpası ola bilər. Yüksək əlavə dəyərli məhsulların buraxılışı ilə Tacikistanın kənd təsərrüfatı xammalının birgə emalının qurulmasını təklif edirik. Bu baxımdan meyvələrin, tərəvəzlərin, süd və ət məhsullarının emalı üzrə birgə müəssisələrin yaradılması perspektivli görünür".