Azərpoçt-dan 8 Mart aksiyası

06-03-2018 / 12:43

Nəqliyyat, Rabitə və Yüksək Texnologiyalar Nazirliyi Azərpoçt 8 Mart Beynəlxalq Qadınlar günü münasibətilə məktub yazmaq aksiyası keçirib.

Qurumdan Xeberler.az-a verilən məlumata görə, aksiyanın məqsədi insanlarda məktub yazmaq vərdişini təşviq etmək olub.  

“Sözləriniz ağ kağız ürəzində əbədi həyat qazansın! Siz yazın, biz mütləq çatdıracağıq!” şüarı ilə təşkil olunan aksiya Park Bulvar ticarət mərkəzində baş tutub.

Şəbəkə xidmət mərkəzinin sözügedən ticarət mərkəzində quraşdırılmış mini ofisinə yaxınlaşanlar həyatındakı əziz qadınlara məktub yazmaq imkanı əldə ediblər.

Aksiya çərçivəsində yazılan bütün məktublar Azərpoçt-un poçtalyonları tərəfindən müvafiq ünvanlara çatdırılacaq.

Eyni məkanda Azərmarka MMC-yə məxsus stenddə 8 Mart Beynəlxalq Qadınlar günü üçün nəzərdə tutulmuş açıqca və hədiyyələr də satışa çıxarılıb.

Xeberler.az

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.