Azərpoçt aksiya keçirdi

20-08-2018 / 10:38

Nəqliyyat, Rabitə və Yüksək Texnologiyalar Nazirliyi Azərpoçt MMC növbəti dəfə maraqlı aksiya keçirib.

Xeberler.az məlumat verir ki, Azərpoçt MMC-nin əməkdaşları 19 avqust Beynəlxalq Fotoqraflar Günü münasibətilə paytaxt Bakının müxtəlif yerlərində açıq havada və şəxsi foto studiyalarda çalışan fotoqrafları hədiyyələrlə təbrik edib.

Belə ki, aksiya münasibətilə fotoqraflara təqdim edilən hədiyyələr içərisində müasir poçt rabitəsinin 200 illik tarixini özündə əks etdirən fotoalbom da yer alıb. Öz fotoaparatları ilə tarixi yaddaşlara yazan fotoqrafları bu dəfə Azərpoçt MMC-nin obyektivi lentə alıb. Aksiyanın yekunu olaraq çəkilən şəkillər bir fotoalbomda toplanaraq poçt vasitəsilə aksiyada iştirak edən fotoqrafların ünvanlarına göndəriləcək.

Qeyd edək ki, 19 Avqust - Beynəlxalq Fotoqraflar Günü avstraliyalı fotoqraf Korske Aranın təşəbbüsü ilə təsis edilib. Fotoqrafiyanın prototipi olan üsul geniş ictimaiyyətə 1839-cu il məhz avqust ayının 19-da təqdim olunduğu üçün bu gün əlamətdar tarix kimi qeyd edilir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.