Bank BTB texnologiyalarını yeniləyib

12-01-2016 / 13:54

Ölkəmizdə fəaliyyət göstərən Bank BTB bütün məlumatların yeni əsas Verilənlər Mərkəzinə (Data Center) köçürülməsini (miqrasiyasını) real vaxt rejimində 48 saat müddətində həyata keçirib.

Bankdan Xeberler.az-a verilən məlumata görə, SİNAM şirkəti tərəfindən həyata keçirilən bu son dərəcə mürəkkəb texnoloji prosedur nəticəsində Bank BTB öz fəaliyyətini dayandırmamış və bütün bank əməliyyatları standart rejimdə həyata keçirib.

Bu zaman informasiya sisteminin nə istifadəçiləri, nə də bankın müştəriləri sistemdə miqrasiya prosesinin aparılmasını hiss etməyiblər. Bankın iş günü adi qaydada davam edib, sistem vasitəsilə həyata keçirilən maliyyə tranzaksiyalarında gecikmə və informasiyanın itməsi halları baş vermyib.

Bankın yeni əsas Verilənlər Mərkəzinin ümumi yaddaşı 30 Terabayt təşkil edir və o son nəsil HP Blade serverləri və VmWare vSphere 6.0 əməliyyat sistemi ilə təchiz olunub.

Hazırda bankın bütün məlumatları əsas Verilənlər Mərkəzi ilə yanaşı Ehtiyat Mərkəzə də replikasiya olunur. 

Bank BTB-nin İnformasiya texnologiyaları departamentinin rəisi Rəşad Nəsirovun sözlərinə görə, yeni mərkəzin istifadəyə verilməsi bankın Azərbaycanda fəaliyyətinin genişləndirilməsi ilə birbaşa bağlıdır. O qeyd etdi ki, bank əməliyyatlarını dayandırmadan məlumatların bir mərkəzdən digər mərkəzə köçürülməsi peşəkar texnoloji mütəxəssis komandası sayəsində mümkün olub.

Yeni mərkəzdə tətbiq olunan yeni texnologiyalar virtuallaşdırma üçün şərait yaradılıb.

Bank məlumatlarının daha sürətli işlənməsi və onların qorunması üçün yeni mərkəz daha geniş imkanlara malikdir.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.