TV VƏ RADİO

Koronavirusun yayılmasının qarşısını almaq məqsədilə ölkədə profilaktik tədbirlər görülür. Bir çox şirkət evdən işləmə metodunu tədbiq edərək işçiləri uzaqdan iş rejiminə keçirdi. Evdə işləməklə yanaşı, qarşıdan gələn Novruz bayramı ilə əlaqədar olaraq elan olunan qeyri-iş günləri ərzində internetin istifadəsində artım olacağıda istisna olunmur.

Xeberler.az bildirir ki, bu səbəblərdən, martın 19-dan 29-dək “ENGINET” şirkətinə məxsus BIRLink markası, genişləndirilmiş televiziya paketininin yayımını pulsuz olaraq elan etdi. Beləki, tarif paketindən asıllı olmayaraq heç bir əlavə ödənişsiz bütün abunəçilərə şamil olunur.

Xatırladaq ki, genişləndirilmiş paketə filmlər, seriallar və uşaq cizgi filmləri, proqramları, həmçinin musiqi və idman məzmunlu kanallardan ibarət 200 kanal daxildir.

Qeyd edək ki, 170, 171 və 172 nömrəli telekanallar üçün BIRLink komandası tərəfindən abunəçilərin müsbət əhval-ruhiyyəsi üçün filmlər, seriallar və cizgi filmlərdən ibarət xüsusi proqram hazırlanmışdır.

Qarşıdan gələn Novruz bayramı ilə əlaqədar elan olunan qeyri iş günlərini nəzərə alaraq İnternet trafikində yükləmələrin olması ehtimalı da proqnozlaşdırılır. Bunu nəzərə alan ENGINET, şəbəkədə yaranacaq yükmələri nəzarətdə saxlamağa və abunəçilər tərəfindən istifadə olunan İnternet trafikinin tam keyfiyyətini təmin etməyə hazırdır.

Əlavə olaraq, bayram günlərində şirkətin texniki heyəti və çağrı mərkəzinin əməkdaşları abunəçilərə tam qaydada xidmət göstərəcəkdir.