Ekspert: SİMA nə zaman populyar olacaq?

17-05-2022 / 20:35
SİMA yeni rəqəmsal imzanın inteqrasiyası sürətlənib.
Xeberler.az bildirir ki, bu barədə Azərbaycan İnternet Forumunun Prezidenti, ekspert Osman Gündüz öz "Facebook" səhifəsində post paylaşıb.
"Sima artıq “ASAN Login” sisteminə də qoşulub. Çox uğurlu bir addımdır. Düşünmək olar ki, qısa zamanda RİNN və ASAN  inteqrasiya üçün birgə xeyli işlər görüblər.
SİMA-nın ASAN-a inteqrasiyasi o deməkdir ki, artıq müxtəlif dövlət sistemlərinə, 80-dən çox dövlət portallarına girişlə bağlı vətəndaşlar daha asan və sadə bir identifikasiya alətinə malik olub.
Yəni, bu məsələdə, sadəcə portallara giriş məsələsində ASAN-a aid olmayan ASAN imzanın inhisarçılığının qarşısı alınıb.
Lakin hələlik bu o demək deyil ki, vətəndaş bütün dövlət xidmətlərini SİMA ilə əldə edə biləcək, sənədlərini SİMA ilə imzalayacaq. Ciddi problemlər qalır.
Xidmətlərin özünün SİMA-ya inteqrasiyası hələ yeni başlayıb. Düşünürəm ki, vətəndaşlar yalnız bundan sonra SİMA-nın üstünlüyünü, real faydasını görə biləcəklər.
Məsələn, hələlik kifayət qədər populyar olan, ciddi ictimai-sosial əhəmiyyət kəsb edən xidmətlər, vergi xidmətləri, notarial xidmətlər, MİDA xidmətləri, əmlak xidmətləri SİMA-ya inteqrasiya olunmayıb. Vətəndaşın təqdim etdiyi sənədlərin isə SİMA ilə imzalanması üçün mütləqdir ki inteqrasiya olunsun.
Düşünürəm ki, bu xidmətlərin, xüsusilə də vergi xidmətlərinin daha tez bir zamanda SİMA-ya inteqrasiyasına ehtiyac var.
Məhz bu sahədə mobil imza olan ASAN imzanın inhisarçılığı ən yüksək həddədir.
Bildiyim qədər RİNN, AzİnTelecom hazırda əlaqədar qurumlarla birgə SİMA-nın dövlət xidmətlərinə inteqrasiyası istiqamətdə çalışırlar.
Elə bu gün keçirilən “Korrupsiyanın qarşısının alınmasında texnologiyaların rolu” mövzusunda ictimai dinləmələrdə də həm də bu haqda müzakirə aparılıb.
SİMA-nın əsas üstünlüyü odur ki, mobil nömrəyə bağlı deyil, vətəndaş heç yerə getmədən, vaxt itkisinə yol vermədən, eləcə də imza üçün vəsait sərf etmədən rəqəmsal bir identifikasiya vasitəsi, sənədləri imzalama vasitəsi əldə etmiş olur.
SİMA mobil tətbiqlərini yükləyib heç bir ödəniş etmədən, qısa bir anda, biometrik (üztanıma) texnologiyası ilə qeydiyyatdan keçib bu rəqəmsal imzanı əldə etmək mümkündür.
Ümid edirəm, qısa zamanda SİMA-nın populyar və ictimai əhəmiyyət kəsb edən dövlət xidmətlərinə inteqrasiyası başa çatacaq.

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.