TƏHLİL

Beləliklə, 300 milyard dollar sərvətə malik , dünyanın ən zəngin insanı olan İlon Mask Tvitter səhmdarları ilə razılığa gələ bildi.

Xeberler.az bildirir ki, “SpaceX” və “Tesla”-nın sahibi ən yaxın zamanda 44 milyard dollar ödəməklə bu şirkəti də öz şirkətlərinin siyahısına əlavə edəcək. Səhmdarların bir çoxu bu sövdələşməyə razı olmasa da, Tvitterin direktorlar şurası səhmdarları razı sala bilib.

Bunu Azərbaycan İnternet Forumunun Prezidenti, ekspert Osman Gündüz öz “Facebook” səhifəsində bildirib.

Ekspertin sözlərinə görə, hələlik sövdələşmə başa çatmayıb. Alqı-satqı prosesi tənzimləyici qurumların razılığından sonra başa çatacaq.

İlon Mask əvvəllər Tvitter-lə "yola getmirdi", tez-tez bu sosial media qurumunu söz azadlığı prinsiplərini pozduğuna görə tənqid edirdi.

Osman Gündüz bildirir ki, Mask Tvitteri ciddi, həqiqi bir qlobal söz azadlığı platformasına çevirəcəyini açıqlayıb.

“O, bu şirkəti yalnız özünün inkişaf etdirə biləcəyini vurğulayırdı.

Xatırlayıram ki, Mask Ukraynaya tez bir zamanda Starlink peyk internetini gətirsə də, prinsiplərinə sadiq qalaraq, Rusiya mediasına özünün Starlink internet şəbəkəsində blok qoyulması təklifini rədd etmişdi. O , bunun soz azadlığı prinsinə zidd olduğunu bildirmişdi.

Tvitter Donald Trampın hesabını bağladıqdan sonra bu şirkət söz azadlığı prinsiplərinin pozulması ilə bağlı gündəmə gəlmişdi.

Tvitter rəsmilərinin Donald Trampın çıxışına imkan verənlərin hamısının hesablarının bağlanacağı ilə bağlı açıqlamaları o zaman beynəlxalq aləmdə ciddi ictimai narazılıqlar yaratmışdı.”