Maskın təklifi yenidən qiymətləndirilib

26-04-2022 / 16:47

Bazar günü Tvitter idarə heyətinin iclasında İlon Maskın şirkəti satın almaq üçün 44 milyard dollarlıq təklifi yenidən qiymətləndirilib. Nəticədə, Tvitter təsdiqləyib ki, şirkət Mask tərəfindən alınacaq və bu müqavilənin platformanın gələcəyi üçün

böyük təsirləri olacaq.

Xeberler.az bildirir ki, Maskın məqsədi platformanın reklamlardan asılılığını azaltmaq və bununla da, onun “azad sözə” daha açıq olmasını təmin etmək üçün Tvitteri özəlləşdirməkdir.

Mask söz azadlığının açıq tərəfdarı olub, tez-tez Tvitterin moderasiya səylərini, o cümlədən keçmiş ABŞ prezidenti Donald Trampın hesablarını məhdudlaşdırmaq qərarını tənqid edib. Tvitterin hazırkı CEO-su Paraq Aqraval xəbər yayıldıqdan sonra belə tvit edib:

“Tvitterin bütün dünyaya təsir edən bir məqsədi və aktuallığı var. Komandamızla dərin qürur duyur və bu işdən ilham alırıq”.

Bəzi analitiklərin fikrinə görə, Tvitter idarə heyətinin Maskın təklifini rədd etdikdən sonra qəbul etmək qərarına gəlməsi, platformanın bu həftənin sonunda təqdim ediləcək 22-ci Q1 mənfəət hesabatının şirkət üçün yaxşı olmayacağını göstərir.

 

Fidan Ali


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə