Əmək və Əhalinin Sosial Müdafiəsi Nazirliyinin saytı fəaliyyətini bərpa edəcək

26-05-2009 / 13:31

Əmək və Əhalinin Sosial Müdafiəsi Nazirliyinin (ƏƏSMN) mətbuat xidmətinin rəhbəri Elnur Kələntərlidən aldığımız məlumata görə, adıçəkilən qurum bir müddət öncə fəaliyyətini dondurmuş saytını yenidən bərpa edəcək.

Müsahibimiz bildirdi ki, 2005-ci ildə qəbul edilmiş "İnformasiya əldə etmək haqqında" qanunun müvafiq maddələrinə əsasən ƏƏSMN "www.mlsrr.gov.az" adlı veb-səhifəsi yaratsa da, həmin sayt bir müddət öncə fəaliyyətini dondurub. Səbəb isə onun yeniləşdirilməsi ilə əlaqədar olub: "Yəni biz onu geniş portal şəklində ictimaiyyətə təqdim edəcəyik. Əvvəlki veb-saytda nazirliyimizin alt qurumlarının məlumatlarına çox az rast gəlinirdi.

Ancaq yeni portal da avtomatlaşdırılmış sistem şəklində olacaq. Bizim Bakı şəhərindəki və regionlardakı bölmələrimizin məlumatları da həmin portalda öz əksini tapacaq. Sözügedən internet ünvanının yaradılması müəyyən müddət tələb edir. Hazırlıq işləri başa çatdıqdan sonra biz portalın təqdimatını keçirəcəyik və onu ictimaiyyətə təqdimləyəcəyik".


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.