Azərbaycan dilini assimilyasiyadan qorumaq üçün yaxın zamanlarda dilimizə aid terminləri özündə toplayan xüsusi veb-portal yaradılacaq. Milli Elmlər Akademiyasının (MEA) İnformasiya Texnologiyaları İnstitutunun mətbuat xidmətindən verilən məlumata görə, institut MEA-nın Rəyasət Heyətinin qərarı ilə "Azərbaycan terminləri" portalının yaradılması istiqamətində ciddi iş aparır. Sözügedən sahə üzrə mütəxəssislər veb-portalda yer alacaq terminlərin toplanması və saytın dizaynı üzərində çalışır.
Məlumata görə, portalda Azərbaycan dilinin leksikonuna daxil olan ümumi istifadəli terminlərlə yanaşı, müxtəlif bilik sahələrinə aid terminlər də öz əksini tapacaq. Bəzi terminlərin qarşısında müəyyən qrammatik məlumatlar veriləcək və mənaları geniş şəkildə izah olunacaq. İnstitutda hesab edirlər ki, bu yolla müxtəlif ölkələrdə yaşayan azərbaycanlıların müvafiq xarici dillərin təsiri altında fərqli terminoloji mühitlərinin formalaşmasının qarşısı alınacaq.
Qeyd edək ki, hazırda ölkədə 600-ə yaxın terminoloji lüğət var.
xeberler.az/Ellada
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri