TƏHLİL

Azərbaycan Rabitə və İnformasiya Texnologiyaları Nazirliyinin Təhsil Nazirliyi, Microsoft və HP şirkətləri ilə birgə həyata keçirdiyi "Xalq kompüteri" pilot layihəsi çərçivəsində onlayn ödəmə sistemi tətbiq olunub.

Xeberler.az bildirir ki, Silverkey Technologies şirkətinin GoldenPay onlayn ödəmə sisteminə sürətli qoşulmaq üçün təqdim etdiyi yeni Quickpay xidmətinin köməyi ilə http://www.xalqkomp.az/ saytında layihə çərçivəsində kompüter alan müəllimlər kreditlərini istənilən plastik kartı, hətta əmək haqqı kartlarını istifadə eləyərək ödəyə bilərlər.

Əməliyyata başlamaq üçün "Onlayn ödəmə" bölməsinə daxil olmaq lazımdır. Quickpay xidməti xüsusi olaraq Silverkey Technologies şirkəti tərəfindən GoldenPay sisteminə sürətli və asan qoşulmaları üçün hazırlanıb. GoldenPay sistemini bir gün müddətində tətbiq etmək mümkündür. Müqavilə imzalandıqdan sonra, «onlayn ödəmə» düyməsi yaradıb onu Silverkey tərəfindən veriləcək linklərə yönəltmək lazımdır.

Qeyd edək ki, "Xalq kompüteri" layihəsindən başqa Quickpay xidməti həmçinin Bakı Turizm və İnformasiya Mərkəzinin portalında (www.bakutourism.az) və «SOS Uşaq Kəndləri» xeyriyyəçilik fondunun (www.soschildren.az) saytında tətbiq olunub. GoldenPay sistemi Azərbaycanda 2008-ci ilin dekabr ayından tətbiq olunur. «Visa» və «MasterCard»-dan müvafiq olaraq «Verified by Visa» və «MasterCard SecureCode» lisenziyalarını almış bu sistem istifadəçilərinin təhlükəsizliyinin artırılması üçün ən təhlükəsiz SSL sertifikatı olan VeriSign istifadə edir.

Xeberler.az