TƏHLÜKƏSİZLİK

2022-ci ildə az. kodlu 97 informasiya resursuna qarşı kiberhücumlar təşkil olunub.

“CYBER ON” şirkəti tərəfindən aparılan monitorinqə əsasən 2022-ci il ərzində “.az” ölkə kodlu informasiya resurslarına qarşı çox saylı kiberhücumlar nəticəsində 97 veb-resursa haker müdaxiləsi halının reallaşdırıldığı müəyyən olunub.

Kiberhücumlar həyata keçirilmiş veb-resursların analizi göstərir ki, onların 34%-ində informasiya resursunun düzgün və təhlükəsiz kodlanmaması, 66%-ində isə server sazlamalarının düzgün qurulmaması onları hackerlərin hədəfinə çevrilib.

Analizlər, eyni zamanda bu veb-resursların 8-inin təkrar-təkrar hücuma məruz qalmasına baxmayaraq çatışmazlıqlarını aradan qaldırmaq üçün lazımı tədbirləri görmədiyi faktını ortaya çıxarıb.

Kibermüdaxilə halları aşkarlanan veb-resursların ölkələr üzrə statistikasına nəzər saldıqda onların 51%-inin ABŞ, 15%-nin İngiltərə, 11%-inin Azərbaycan,  8%-inin Almaniya, 7%-inin Rusiya, 7%-nin Estoniya, 1%-inin isə Litvada saxlanıldığı (Hosting) müəyyən olunmuşdur. Kiberhücumların 66%-inin serverlərin boşluğundan istifadə olunaraq həyata keçirilməsini nəzərə alaraq “CYBER ON” bir daha “shared hosting”istifadə edən şirkətləri diqqətli olmaları üçün xəbərdar edir və təhlükəsiz informasiya ehtiyatlarına sahib olmaq üçün proqramlaşdırma (Secure Coding), audit/pentest xidmətlərini təklif edir.