TƏHLÜKƏSİZLİK

Xeberler.az bildirir ki, CYBERO Kibertəhlükəsizlik Mərkəzi hər il olduğu kimi bu il də ölkə resurslarına qarşı haker hücumlarını analiz etmiş və apardığı monitorinqin nəticələrini yayımlamışdır. Aparılan monitorinqin nəticələrinə əsasən 2019-cu il ərzində “.az” ölkə kodlu informasiya resurslarına qarşı çox saylı kiber hücumlar 167 veb resursa hacker müdaxiləsi halının uğurla reallaşdırıldığı aşkarlanmışdır ki, bu da ötən il ilə ilə müqayisədə hücumların 88% artdığını göstərir. Eyni zamanda 2019-cu ilin birinci yarısı ilə ikinci yarısının müqayisəsi zamanı hücumların ilin ikinci yarısında birinci yarısına nisbətdə 115% artdığı müşahidə olunur.

Hücum olunan veb resursların analizi göstərir ki, onların 62-si informasiya resursunun məhz düzgün təhlükəsiz kodlanmaması, 105-i isə serverlərdə təhlükəsizliyin düzgün qurulmaması nəticəsində hackerlərin hədəfinə çevrilmişlər. Server sazlamalarının düzgün qurulmaması nəticəsində baş verən hücumların 45% Linux ƏS, 55% isə Win ƏS üzərində qurulmuş resurslar olmuşdur. Analizlər eyni zamanda bu verb resursların 19-unun təkrar hücumlara məruz qalmasına baxmayaraq çatışmazlıqları aradan qaldırmaq üçün lazımi tədbirlərin görülməməsi faktını da ortaya çıxarmışdır.

Hücum həyata keçirilən informasiya resurslarının Host olunması ölkələr üzrə 69% ABŞ, 8%-i Türkiyə, 7%-i Rusiya, 7%-i Almaniya, 4%-i İngiltərə, 1%-i Azərbaycan, 4%-i isə Fransa, Bolqarıstan, Finlandiya, Hollandiya və Hindistanın payına düşür. Hücumların 63%-inin serverlərin boşluğundan istifadə olunaraq həyata keçirilməsini nəzərə alaraq CYBERO Kibertəhlükəsizlik Mərkəzi bir daha “shared hosting”istifadə edən şirkətləri diqqətli olmaları üçün xəbərdar edir.