Kompüter viruslarının ömrü 24 saat olur

19-08-2009 / 09:33

Həmişə antivirus proqramı yazanlarla virus yaradanlar arasında aramsız müharibə gedir. PandaLabs-ın araşdırmalarına görə, kompüter viruslarının yarıdan çoxunun ömrü 24 saatı keçmir.

Kəpənəklər kimi qısa ömürlü olan bu zərərli proqramlar çox təəssüf ki, anti-virus proqramları tərəfindən təsbit edildikləri üçün deyil, belə proqramlaşdırıldıqları üçün qısa ömürlüdürlər. Anti-virus proqramlarıyla hackerlar arasında amansız yarış davam etməkdədir.

Hackerlərin hazırladıqları virus adını tez-tez dəyişir, ilk yaradılıdığı kimi qalmır. Viruslar yayılmağa başladıqdan yalnız 24 saat sonra dəyişdirilmiş koda sahib bir başqa törəməsini internetə salırlar.

PandaLabs Texniki Direktoru Luis Corrons da belə deyir: “ Təəssüf ki, virus yazanlarla anti-virus yazanlar arasında gedən sonsuz yarışda hackerlər qələbə qazanır. Biz araşdırıb təsbit etmək və mübarizə etmək üçün zərərli proqramları ələ keçərmək məcburiyyətindəyik”.

PandaLabs 2008-ci ildə 18 milyon zərərli proqram nümunəsi tapıb. 2009 –cu ildə İyul ayınadək isə 30 milyon zərərli proqram aşkarlayıb. Araşdırmalara görə, hər gün 37.000 yeni virus, soxulcan və trojan meydana gəlir.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.