İnformasiya təhlükəsizliyi məsələləri üzrə ixtisaslaşmış RiskBased Security şirkətinin ekspertləri Windows 10 sistemini Microsoft şirkətinin ən zəif əməliyyat sistemi adlandırıblar.
Mütəxəssislərin məlumatına görə, 2016-cı ildə Microsoft öz proqram təminatında 729 boşluğu aradan qaldırıb. Xatırladaq ki, 2014-cü ildə bu göstərici 383-ə bərabər idi.
Xeberler.az RYTN-in elektron xəbər xidmətinə istinadən məlumat verir ki, analitiklər Internet Explorer brauzerini Microsoft şirkətinin ən zəif məhsulu adlandırıblar. RiskBased Security şirkətinin müşahidəsinə əsasən, indiyədək sözügedən proqram təminatında 1261 boşluq aşkar edilib.
İndiyədək 705 boşluq tapılmış Windows 10 əməliyyat sistemi ikinci yeri tutub. Microsoft şirkəti Windows Server 2012, Windows 7 və Windows Vista əməliyyat sistemlərində ümumilikdə 660, 647 və 621 boşluq aradan qaldırıb.
Ekspertlər bildiriblər ki, Windows 10 sistemində çoxlu sayda boşluğun aşkarlanması bu platformanın əvvəlkilərlə müqayisədə daha təhlükəli olması anlamına gəlmir. RiskBased Security şirkəti tərəfindən bildirilmiş proqram çatışmazlıqlarının əksəriyyəti kütləvi elan edilmədən aşkarlanıb və aradan qaldırılıb, ona görə istifadəçilərə zərər dəyməyib.
Microsoft şirkəti Windows 10 sistemi ilə müqayisədə Windows 7 sistemini daha təhlükəli əməliyyat sistemi adlandırır və korporasiyanın sonuncu əməliyyat sistemindən istifadəni tövsiyə edir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri