Windows 7 bu ilin sonunda nümayiş olunacaq
19-09-2008
18:10
Windows 7 əməliyyat sisteminin beta versiyası bu ilin sonunda işıq üzü görə bilər. Windows Vista-nın davamçısı olacaq Windows 7 platformasının ilk modofokasiyaları Professional Developers Conference (PDC) oktyabr konfransında, eləcə də, noyabrda keçiriləcək Windows Hardware Engineering Conference (WinHEC) tədbirində nümayiş olunacaq. Seçilmiş testerlərin artıq əməliyyat sisteminin ilkin M1 və M2 indeksli (Milestone) quraşdırmalarını almalarına baxmayaraq, Windows 7-nin beta testlərinin dekabrın ortalarından tez başlayacağı güman edilmir.
Bununla yanaşı, E7 bloqundakı Microsoft menecerləri Windows 7 əməliyyat sistemi üçün olan Windows Feedback Program versiyalarının buraxılışa hazır olduqlarını söyləyirlər.
Bu təşəbbüs çərçivəsində Microsoft şirkəti Windows-un, faylların qovluqlar üzrə müəyyənləşdirilməsi, bu və ya digər əlavələrin istifadə edilməsi üzrə statistik göstəricilərini toplayır. Windows Feedback Program, Microsoft-un növbəti müştəri əməliyyat sisteminə mükəmməl əlavələrin olunacağına imkan yaradacaq.
Yayılan məlumatlara görə, Windows 7, 32 və 64 bitlik modifikasiyalarda, ya növbəti ilin sonu, ya da 2010-cu ilin əvvəlində bazara çıxarılacaq.
