Milli Net 2015-də saytların qeydiyyat müddəti 5 gün uzadılıb

20-11-2015 / 10:55

Milli İnternet Mükafatı –Milli Net Təşkilat Komitəsi internet resursların qeydiyyat müddətini daha 5 gün uzadıb.

Bu barədə Xeberler.az-a Təşkilat Komitəsindən məlumat verilib.

Belə ki, internet resursların qeydiyyat müddəti noyabrın 25 –də saat 00.00-da başa çatacaq. Bu müddət bitdikdən sonra istifadəçilər yalnız müsabiqəyə qəbul edilən saytlara öz şərhlərini və rəylərini yazmaq üçün qeydiyyatdan keçə bilərlər.

Milli Net TK bildirir ki, müsabiqə qaydalarına uyğun olaraq səsvermə 2 mərhələdə həyata keçiriləcək.

1-ci mərhələ səsvermə prosesi noyabrın 21-də başlanacaq və noyabrın 30-da  saat 00.00-da başa çatacaq.

1-ci mərhələ səsvermənin nəticələrinə əsasən hər bir nominasiya üzrə nominantlar müəyyən olunacaq.

Bu nominantlar içərisindən 2-ci mərhələ səsvermə nəticəsində qalib saytlar seçiləcək.

2-ci səsvermə prosesi  dekabrın 2-də başlayacaq və dekabrın 11-də  saat 00.00-da yekunlaşacaq.

Qeyd edək ki, münsiflərin verdikləri qiymətlər yalnız təqdimat mərasimindən sonra açıqlanacaq.

Qaliblərin mükafatlandırılması ilə bağlı  təqdimat mərasiminin dekabrın 2-ci on günlüyündə keçirilməsi nəzərdə tutulub.

Milli Net TK bir daha bildirir ki, noyabrın 25-də saat 00.00 dan etibarən saytların qeydiyyat prosesi dayandırılacaq.

Bu müddətədək qeydiyyatdan keçənlər, lakin müxtəlif problemlər səbəbindən Milli Net TK tərəfindən müsabiqəyə buraxılmayanlar 1-ci səsvermə müddətində yenidən müraciət hüququnu özlərində saxlayırlar.

TK xəbərdarlıq edir ki, müsabiqəyə qatılmaqla bağlı “Gözləmə” rejimində və qeydiyyatından müvəqqəti imtina edilənlər 1-ci səsvermə prosesi başa çatan andan müsabiqəyə buraxılmayacaq.

Müsabiqənin Baş sponsoru Azercell şirkətidir.
Milli İnternet Mükafatına RYTN , Azercell, Delta Telecom və Best Comp şirkətləri dəstək verirlər.

Məltəm Talıbzadə

 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə