Milli Net-in gedişi ilə əlaqəli bir sıra məsələlər müzakirə edilib

30-11-2013 / 23:11
Milli Net TK tərəfindən müsabiqənin gedişi ilə bağlı bir sıra məsələlərə baxılıb və müvafiq qərarlar qəbul olunub. Milli Net TK  bildirir ki, qaydalara uyğun olaraq bəzi saytların nominasiyalarında dəyişiklik  edilib.
 
Nominasiyalarda sərbəst rəqabətin qorunması məqsədilə qaydalara müvafiq olaraq, vital.az resursu Ailə, uşaq və sağlamlıq nominasiyasından korporativ saytlar nominasiyasına keçirilib. 
 
Həmçinin Milli Net TK tərəfindən müsabiqədə rəqabətli mühit və ədalətli yarışma yaratmaq məqsədilə Elektron hökumət və İnnovasiyalar Nominasiyasıına verilmiş saytlar öz sahibləri ilə razılaşdırılmaqla digər müvafiq nominasiyalara keçirilib. 
 
Eyni zamanda, 2011-ci ildə müsabiqədə qalib olan  az.salamnews.org/az resursu yenidən iştirakla bağlı  qaydalarda müəyyən olunan müddət başa çatmadığına görə Milli Net TK qərarı ilə müsabiqədən kənarlaşdırılıb. 
 
Milli Net TK müsabiqə iştirakçısı Aydın Məmmədov tərəfindən daxil olan müraciətə baxaraq da müvafiq qərar qəbul edib və bu haqda  iştirakçıya məlumat verilib.
 
Milli Net Təşkilat Komitəsi bildirir ki, hazırda 1-ci səsvermə prosesi davam edir və dekabrın 2-də başa çatacaq.
1-ci səsvermənin yekunu olaraq müsabiqənin nominantları seçiləcək və onlar arasında 2-ci mərhələ səsvermə aparılacaq. 2-ci səsvermə prosesi dekabrın 3-də başlayacaq və  dekabrın 15-də yekunlaşacaq.
2-ci səsvermənin nəticələri əsasında  Milli İnternet Mükafatının qalibləri müəyyən olunacaq. 
 
Milli Net qaliblərinin təqdimat mərasiminin dekabrın 24-də keçirilməsi nəzərdə tutulub.
 
Müsabiqənin Baş sponsoru Azercell şirkətidir.
RİTN və Delta Telecom şirkəti də Milli İnternet Mükafatına dəstək verir.
 

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə