Milli Net təşkilatçıları veb-studiya rəhbərləri və veb-masterlərlə görüşüb

16-11-2012 / 20:38

Bu gün Milli Net təşkilatçıları  ilə veb-studiya rəhbərləri, developerlər və veb-masterlərin görüşü keçirilib.

Milli Net Təşkilat Komitəsinin, Münsiflər Komissiyasının üzvləri Osman Gündüz , Rəşad Əliyev (ilkaddimlar.com), Rəşad Əliyev (evlenirik.biz), Amid Quliyev,  həmçinin Milli Net moderatorları  Milli Net haqqında məlumat veriblər.

Milli Net-in qaydaları və müsabiqədə iştirak şərtləri haqqında, səsvermə prosesi haqqında, nominasiyalar və məhdudiyyətlər haqqında geniş məlumatlar görüş iştirakçılarının diqqətinə çatdırılıb.
Görüş maraqlı suallar və cavablarla  diskussiya şəraitində davam etdirilib. Milli Net təşkilatçıları müsabiqənin qaydaalrı, səsvermə mərhələləri və prinsipləri, növbəti addımlarla bağlı  iştirakçıları maraqlandıran məqamlara aydınlıq gətiriblər.
Milli Net təşkilatçıları müsabiqənin ədalətli və şəffaf keçirilməsi, gələcəkdə Milli Net qaydalarının təkmilləşdirilməsi üçün bu görüşün xüsusi əhəmiyyət kəsb etdiyini bildiriblər.

Məlumat üçün bildiririk ki, hazırda Milli Net-də saytların qeydiyyatının başa çatmasına 5 gün qalıb. Müsabiqəyə indiyədək 13 Nominasiya üzrə 270-dın çox  sayt təqdim olunub və onlardan 221-i yarışmaya buraxılıb.
Hazırda www.millinet.az saytında qeydiyyatdan keçən iştirakçılar saytlarını təqdim edə və  müsabiqəyə buraxılan saytlara şərhlər yazmaqla münasibətlərini bildirə bilərlər.

Noyabrın sonunda saytların qeydiyyatının, dekabrın 1-ci yarısında saytların qiymətləndirmə prosesinin başa çatdırılması nəzərdə tutulub.

Qaliblərin mükafatlandırılması və təqdimat mərasimi dekabrın 2-ci ongünlüyündə keçiriləcək.
Müsabiqənin Baş sponsoru Azercell şirkətidir.
RİTN, Delta Telekom və SAZZ şirkətləri də Milli İnternet Mükafatına  dəstək verirlər.

Görüşdən fotolar burada


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.