Mobil qurğularda ənənəvi SİM-kartlar ləğv ediləcək

21-07-2015 / 10:28

İri smartfon istehsalçıları Samsung Electronics və Apple şirkətləri abunəçilərin mobil operatorlarla qarşılıqlı əlaqəsini dəyişməyə imkan verəcək yeni elektron SİM-kart standartının tətbiqini dəstəkləmək niyyətindədir.

Xeberler.az RYTN-nin rəsmi saytına istinadən məlumat verir ki,dünya mobil operatorlarını özündə birləşdirən GSMA Assosiasiyası tezliklə elektron SİM-kartların (E-SIM) spesifikasiyalarını təsdiq etməyi planlaşdırır. Texnologiya smartfon, planşet, “ağıllı” saatların və digər elektronikanın quraşdırılmış SİM-kartlarla satışını nəzərdə tutur və istifadəçilərə istənilən anda müxtəlif operatorlara keçməyə imkan verir.

Yeni standart artıq AT&T, Deutsche Telekom, Etisalat, Hutchison Whampoa, Orange, Telefonica və Vodafone operatorları tərəfindən dəstəklənib. Onlara tezliklə Apple və Samsung şirkətlərinin qoşulması gözlənilir.

Qeyd edək ki, Apple E-SIM  ilə oxşar həlli artıq kommersiya bazarında istifadə edir.  Belə ki, son nəsil iPad planşetlərində müxtəlif operatorların şəbəkələrinə keçməyə imkan verən Apple SIM SİM-kartı quraşdırılıb.

GSMA-nın ideyası ondan ibarətdir ki, dəyişdirilən SİM-kartlar tam ləğv olunacaq və onların yerini çiplər tutacaq. Bu yenilik istehsalçılara smartfonların qalınlığını azaltmağa imkan verəcək və bütün yeni qurğularda mobil ödənişlər funksiyasının quraşdırılmasına şərait yaradacaq.

Xeberler.az

 

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.