Nar yeni mobil tətbiqini təqdim etdi

22-08-2019 / 17:17

Xeberler.az bildirir ki, Nar, 2019-cu ilin 6 ayı ərzində əldə etdiyi nailiyyətlər barədə açıqlama verib. Mobil operarorun təqdim etdiyi tariflər və qiymətlərin sərfəli olması, baza stansiyalarının sayının sürətlə artımı, abunəçilərə göstərilən yüksək keyfiyyetli internet xidməti sayəsində Narın abunəçi bazası çoxalıb. Belə ki, aktiv abunəçi bazası 13% artaraq istifadəçilərin sayı 2,3 milyona çatıb.

Nəticələrə əsasən, Nar mobil şəbəkəsini daha da genişləndirməyə nail olub. Mobil operator 6 ay ərzində 490 yeni baza stansiyası quraşdırıb. Narın baza stansiyalarının sayı 2140-ı,  3G baza stansiyalarının sayı isə 2700-ü ötüb. Bununla da Nar ölkədə ən geniş 4G şəbəkəsinə malik mobil operatordur. 

Media nümayəndələrinin iştirakı olə yarım ilin nəticələrinin açıqlandığı mətbuat konfransında "Azerfon"un icraçı direktoru Qunnar Panke bildirib ki, Nar 6 ay ərzində nəzərəçarpacaq nəticələr əldə edib. Müştərilərə göstərdiyimiz yüksək keyfiyyətli xidmət sayəsində 2 il ərzində ilk dəfə olaraq müştəri loyallığı indeksi üzrə mobil operatorlar arasında Nar birinci olub.

Konfransda Nar-in yeni mobil tətbiqi Nar+ da təqdim edildi. Mobil əlavə vasitəsilə abunəçilər “Nar”ın çağrı mərkəzinə müraciət etmədən Sim-karta aid müxtəlif əməliyyatları apara biləcəklər. Belə ki, proqram vasitəsilə onlar mobil danışıq, internet və SMS balansı yoxlamaq, artırmaq, nəzarət altında saxlamaq, uyğun tarifi seçmək, xidmətləri qoşa və dayandıra biləcəklər. Mobil əlavə həm iOS, həm də Android əməliyyat sistemləri üçün mövcuddur. Ilk olaraq mobil tətbiqi media nümayəndələri sınaqdan keçirdilər.


Nar abunəçilərə Çağrı Mərkəzləri, nar.az internet səhifəsi ilə yanaşı, sosial media vasitəsilə də yüksək keyfiyyətli və operativ müştəri xidmətləri göstərməkdə davam edir. Belə ki, son 6 ay ərzində mobil operatorun sosial şəbəkələri vasitəsilə abunəçilər tərəfindən 115 mindən çox müraciət daxil olub. Sosial şəbəkələr vasitəsilə daxil olmuş müraciətlərin 94,7%-i bir dəqiqə ərzində cavablandırılıb. 

Mətbuat konfransının yekununda isə media nümayəndələrinin sualları cavablandırılıb.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.