Ruandada ölkənin ucqar yerlərinə yükləri çatdıracaq pilotsuz uçan aparatlar (dronlar) üçün uçuşların idarəetmə mərkəzinin və aeroportun inşası planlaşdırılır.
Xeberler.az-ın xarici mətbuata istinadən verdiyi məlumata görə, layihə Britaniyanın Foster&Partners arxitektura şirkəti və İsveçrə Tədqiqat Universitetinin dəstəyi ilə yaradılan Afrikanın Afrotech təşəbbüs qrupu tərəfindən hazırlanıb.
Proqramın bir müddətdən sonra bütün Afrika regionunda tətbiq ediləcəyi gözlənilir.
Ruandada dronlar üçün ilk hava limanının tikintisinə 2016-cı ilin ikinci yarısında başlanması nəzərdə tutulur. Afrotech ilk vaxtlar yüklərin daşınması üçün qanadlarının uzunluğu 3 metr olan dronlardan istifadəni planlaşdırır. Belə dronlar 10 kiloqramadək yükü daşıya biləcək. On il ərzində hava məkanında 100 kiloqramadək yükü daşıya bilən daha güclü aparatların istifadəyə verilməsi planlaşdırılır.
İllik dəyəri 6 milyon dollar qiymətləndirilən layihə 4 il ərzində həyata keçiriləcək. 2020-ci ilədək ölkənin yarısını əhatə edəcək üç aeroportdan ibarət şəbəkənin inşası planlaşdırılır. Bundan başqa, enmə-qalxma zolaqlarının sayının tədricən 40-a çatdırılması nəzərdə tutulur.
Layihə müəllifləri Ruanda ilə kifayətlənməyərək qonşu dövlətlərdə, məsələn, Konqoda pilotsuz uçan aparatlar üçün aeroportların inşasını planlaşdırırlar.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri