Fransada dron-poçtalyonlar istifadəyə verilib

26-12-2016 / 16:32

Fransanın poçt şirkəti DPDgroup ölkənin Mülki Aviasiya Baş idarəsinin razılığı ilə bağlamaların çatdırılması üçün dronlardan istifadə etməyə başlayıb.

Xeberler.az ict.az-a istinadən məlumat verir ki, dronlaradan bağlamaların çatdırılması üçün istifadə olunması təcrübəsi artıq bir çox ölkələrdə, məsələn Sinqapur və Avstraliyada həyata keçirilir.

Amazon şirkəti bu məqsədlə ABŞ-da pilotsuz təyyarələri fəal tətbiq edir. Lakin dronlar hələ ki, lazımi infrastrukturun olmaması səbəbindən bağlamaların müntəzəm çatdırılması üçün istifadə olunmurlar.

DPDgroup son iki il ərzində dronların (heksakopterlər) sınaqlarını keçirib. Ümumilikdə, bu vaxt ərzində aparatlar havada 600 saatdan çox vaxt keçirib. 2015-ci ildə layihənin ilk nümayişi zamanı pilotsuz təyyarə 1.5 kiloqram çəkiyə malik bağlamanı 14 kilometr məsafəyə apara bilib.

Hazırda DPDgroup dronlardan 15 kilometr marşrut üzrə poçtun daşınması üçün istifadə edir. Bağlamalar poçt şöbələrinə və xüsusi eniş meydançasına malik olan şirkətlərə çatdırılır. Həftədə bir neçə dəfə pilotsuz təyyarə yalnız ticarət yüklərinin daşınması üçün istifadə olunur.

Şirkətin heksakopterinin uçuş məsafəsi maksimum 20 kilometr təşkil edir. Aparat saatda 30 kilometrə qədər sürət yığa və kütləsi üç kiloqrama qədər olan yükləri daşıya bilər. Dron naviqasiya üçün GPS və kameradan istifadə edir: təsvir dron vasitəsilə poçt şöbəsinin operatorunun pultuna ötürülür. 

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.