TƏNZİMLƏMƏ

Məlumat verdiyimiz kimi, Beynəlxalq Avtovağzalın rəsmi saytı vasitəsilə (www.bbak.az)  biletlərinizi onlayn əldə etmək mümkündür. Belə ki, saytda qeydiyyatdan keçməklə  sizə uyğun olan reyslərə bilet sifariş edə və reyslə bağlı  hər hansı bir dəyişiklik haqqında mütəmadi olaraq məlumat əldə edə bilirsiniz.

Avtobuslara onlayn bilet satışı sistemi ilə sifarişlər hər gün səhər saat 07:00-dan 23:00-a qədər aparılır.

Qeyd edək ki, biletləri onlayn sifariş etdikdən sonra 2 gün ərzində yaxınlaşıb avtovağzalın kassasından əldə etmək lazımdır.

Xeberler.az-ın məlumatına görə, hazırda vətəndaşlar rayonlara səfər etmək üçün saytdan onlayn bilet sifariş edə biləsələr də, geri dönüş üçün bilet  ala bilmirlər.

Bayram günlərində də vətəndaşlar eyni problemlə qarşılaşıb.

Xeberler.az-ın mail ünvanına göndərilən müraciətlərdə vətəndaşların narazılığı öz əksini tapıb.

Mürciətlərdə rayona bir neçə günlük tətil məqsədilə yollanan vətəndaşların geri dönüş biletini sayt vasitəsi ilə əldə edə bilmədiyi vurğulanır.

Nəqliyyatı İntellektual İdarəetmə Mərkəzi (NİİM) Xeberler.az-a məsələ ilə bağlı bildirib ki, yaxın vaxtlarda rəsmi saytdan  gediş dönüş bilet almaq da mümkün olacaq.

Məlumatda qeyd edilib ki, yaxın günlərdə saytda da yenilənmə işləri aparılacaq. Və bundan sonra vətəndaşlar üçün bilet almaq və məlumat öyrənmək daha da asan olacaq.

Qeyd edək ki, vətəndaşların müraciətində avtobus sürücülərinin  onlayn bilet  alanlara qarşı haqsızlıq etdiyi də vurğulanır. Belə ki, onlayn bilet əldə edən sərnişin avtovağzala gələnə qədər sürücülər yerləri baha qiymətə başqa sərnişinlərə satır.

Sürücülər isə bunu onlayn bilet əldə edən vətəndaşın avtobusun qalxmasına çox az vaxt qalmış gəlməsi ilə əlaqələndirirlər.

Məltəm Talıbzadə