Azərbaycana qarşı kiberhücumlar fasiləsiz davam edir və bu hücumlar gündəlik müşahidə olunur.
Xeberler.az məlumat verir ki, bunu jurnalistlərə açıqlaması zamanı Xüsusi Rabitə və İnformasiya Təhlükəsizliyi Dövlət Xidmətinin (XRİTDX) baş idarə rəisinin müavini Tural Məmmədov deyib.
“Hər gün müəyyən həcmdə DDoS hücumları izləyirik. Bununla yanaşı, fişinq hücumları, elektron poçt ünvanlarına qarşı yönəlmiş kiberəməliyyatlar, eləcə də son dövrlərdə daha çox müşahidə edilən teleqram proqramı üzərindən vətəndaşların aldadılması və məlumatların ələ keçirilməsi kimi hallara rast gəlinir. Bütün hücumlar xüsusi qruplar tərəfindən monitorinq olunur, ciddi hallar araşdırılır və nəticələr müvafiq dövlət qurumları ilə paylaşılır. Bu, hücumların təşkilatçılarının aşkara çıxarılması istiqamətində mühüm rol oynayır”, - deyə T.Məmmədov qeyd edib.
Baş idarə rəisinin müavini, həmçinin dövlət qurumlarında aparılan təhlükəsizlik auditlərindən də danışıb: “Son 6 ay ərzində dövlət qurumlarında 180-ə yaxın yerində audit həyata keçirilib. Nəticədə aşkar olunan 280-dən çox təhlükəsizlik boşluğu aidiyyəti qurumlara təqdim olunub və onların aradan qaldırılması yolları da göstərilib. Burada əsas məsuliyyət dövlət qurumlarının üzərinə düşür”.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları