Təhsil sektoru üçün Data Mərkəzi yaradılır

05-03-2009 / 15:11


“2008 - 2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı” çərçivəsində ölkəmizdə təhsil sektoru üçün Məlumat və Resurs Mərkəzi (Data Mərkəzi - DM) yaradılır. Bu barədə “ULTRA” şirkətinin prezidenti Tahir Mirkişili məlumat verib. Onun sözlərinə görə, DM-in yaradılması Intel, HP, Microsoft və Cisco şirkətlərinin Azərbaycanda rəsmi partnyoru olan “ULTRA” şirkəti tərəfindən həyata keçirilir. T.Mirkişili bildirib ki, dünyanın aparıcı şirkətlərinin təqdim etdiyi müasir texnologiyaların tətbiqi sayəsində DM-in funksionallığı olduqca genişdir və ən müasir texnoloji standartlara cavab verir.

Azərbaycan təhsil şəbəkəsində internetə “giriş və çıxış nöqtəsi” olmaqla yanaşı, mərkəz həmçinin, təhsilə aid informasiya resurslarının toplanacağı yer olacağını deyən T.Mirkişili vurğulayıb ki, mərkəzdə xüsusi “təhlükəsizlik qəfəsi” qurulub, bütün avadanlıqların 24 saat və rezervli çalışması üçün hər cür texniki imkan yaradılıb. “Mərkəzdə Azərbaycan təhsil şəbəkəsinin məlumatlarını yerləşdirmək üçün İntel platformalı dörd nüvəli HP serverləri quraşdırılıb. Bundan əlavə, mərkəzdə Azərbaycanda analoqu olmayan ən yeni fiziki təhlükəsizlik sistemləri quraşdırılıb. Məktəblərdəki bütün kompüterlər birbaşa mərkəzdən idarə olunacaq ki, bu da kompüterlərə texniki xidmətin səviyyəsini əhəmiyyətli dərəcədə artıracaq. Mərkəzdə quraşdırılan texnologiya video-konfranslar keçirməyə imkan verəcək” - deyə sədr bildirib.

T.Mirkişilinin fikrincə, bu texnologiya mərkəzin konfrans zalından Azərbaycan təhsil şəbəkəsinə qoşulan bütün məktəblərdə, eyni zamanda mühazirələr və ya açıq dərslər keçirməyə imkan yaradacaq. Təhsil sisteminin informasiyalaşdırılmasının effektivliyini təmin etmək üçün Call-mərkəzin yaradılması üzrə iş getdiyini deyən sədrin sözlərinə görə, DM-in nəzdində yaradılan Call-mərkəz vahid telefon nömrəsi vasitəsilə informasiya təhlükəsizliyi, texniki dəstək və digər xidmətlərlə əlaqəni asanlaşdıracaq.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.