Visa və MasterCard kiberfırıldaqçılıqla mübarizəyə başlayır

17-10-2015 / 11:46

MasterCard şirkəti Avropada məqsədi bankların və ödəniş operatorlarının haker hücumlarından mühafizəsinin təmini olan Safety Net texnologiyasını təqdim edib.

Xeberler.az xarici mətbuata istinadən bildirir ki, ötən il ABŞ-da istifadəyə verilən Safety Net texnologiyası 24/7 rejimində bütün ödəniş şəbəkəsində prosesləri təhlil etməyə və potensial təhlükəli tranzaksiyaları aşkarlamağa imkan verir. MasterCard-ın məlumatına görə, onun servisi mürəkkəb alqoritmdən istifadə edərək eyni anda çoxlu kanal və regionlara nəzarət edir və şirkətin və onun tərəfdaşının fəaliyyət göstərdiyi hər bazar üçün yüksəksəviyyəli təhlükəsizliyi təmin edir.

Bundan başqa, MasterCard kredit kartları buraxan banklar üçün tokenizasiya texnologiyasından istifadə edir ki, bu da onların müştərilərinə öz korporativ kartlarını mobil əlavə ilə sinxronlaşdırmağa və smartfon vasitəsilə ödəniş etməyə imkan verəcək.

Visa şirkəti FireEye şirkəti ilə birlikdə hazırlanan "Visa Threat Intelligence” servisini istifadəyə verib. Yeni servis ödəniş sənayesinin tələbatını nəzərə alaraq real vaxt rejimində ticarət şirkətləri və banklara təhdidlər barədə informasiya təqdim etməklə onlara potensial təhlükəni tez qiymətləndirməyə və ona reaksiya verməyə imkan verəcək.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.