Xidmətlərin Elektron Reyestrinin təqdimatı keçiriləcək

15-01-2016 / 12:11

Məlumat verdiyimiz kimi, 2014-cü ilin  sentyabrın 11-də Prezident İlham Əliyev dövlət orqanları tərəfindən həyata keçirilən xidmətlərin Elektron Reyestrinin yaradılması ilə bağlı 262 nömrəli Fərman imzalayıb.

Xeberler.az bildirir ki, bu Fərmanla bağlı dövlət orqanlarının həyata keçirdiyi xidmətlər haqqında məlumatların vahid mənbədə toplanması və sistemləşdirilməsi məqsədi ilə Prezident yanında Vətəndaşlara Xidmət və Sosial İnnovasiyalar üzrə Dövlət Agentliyində xeyli müddətdir ki, işlərə başlanıb.

Xeberler.az bu istiqamətdə görülən işlərlə bağlı  mütəmadi  məlumatlar  təqdim edib.

ASAN xidmət-dən bildirilirdi ki, hazırda xidmətlərin Elektron Reyestrinin hazırlanması prosesi davam edir.  Bütün dövlət qurumları tərəfindən daxil olan xidmətlərlərlə bağlı məlumatlar və onların hüquqi əsasları bu qurum tərəfindən yoxlanılaraq  vahid bazaya daxil edilirdi.  Məsələ ilə bağlı nəticələri yaxın zamanlarda ictimaiyyətə təqdim ediləcəyi qeyd edilirdi.

Xeberler.az-ın məlumatına görə, artıq xidmətlərin Elektron Reyestrinin yaradılması başa çatıb və bu gün ASAN xidmət-də xidmətlərin Elektron Reyestri ictimaiyyətə təqdim ediləcək.

 ASAN xidmət həm də bütün dövlət qurumlarının  Elektron Reyestrə daxil edilən elektron xidmətlərin qiymətləndirilməsini həyata keçirir.

Məltəm Talıbzadə

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.