Yeni rabitə obyektləri istifadəyə verildi

27-05-2015 / 14:36

Rabitə və Yüksək Texnologiyalar Nazirliyinin Bakı Telefon Rabitəsi İstehsalat Birliyi (Baktelekom) 28 May Respublika günü münasibətilə yeni ATS-lər istifadəyə verib.

RYTN-dən Xeberler.az-a verilən məlumata görə, Binəqədi qəsəbəsinin yeni salınmış yaşayış məhəlləsinin sakinləri üçün ən müasir, bütün telekommunikasiya xidmətlərinin istifadəçilərə çatdırılması imkanlarına malik 1888 abunə tutumu və 256 internet tutumu olan yeni ATS istifadəyə verilib.

Bununla yanaşı, Yeni Zığ qəsəbəsində abunə tutumu 1888 və internet tutumu 928 port, Yeni Balaxanı qəsəbəsində abunə tutumu 1888 nömrə, internet tutumu 416 port və Nizami rayonunun Q.Qarayev yaşayış massivi sakinləri üçün isə abunə tutumu 1888 nömrə və internet tutumu 384 port olan NGN tipli ATS-lər quraşdırılıb.

Onu da qeyd edək ki, ilk Avropa Oyunlarını yüksək keyfiyyətli və müasir telekommunikasiya xidmətləri ilə təmin etmək üçün isə Bakı Telefon Rabitəsi İstehsalat Birliyi tərəfindən 100 km-dən artıq kabel-kanalizasiya qurğuları tikilib, 250 km-dən çox kabel çəkilib.

Məltəm Talıbzadə 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.