İKT REGİON

Gəncə telekommunikasiya infrastrukturu yenilənir

Əməkdaşımızn Gəncə Telekommunikasiya qovşağından verdiyi məlumata görə, hazırda Gəncədə telekommunikasiya infrastrukturunun yenilənməsi və rabitə və İnternet xidmətlərinin göstərilməsi  istiqamətində işlər aparılır.

Mövcud ATS-lər modernləşdirilir.

Belə ki, Gəncədə hazırda 2 tip ATS-lər fəaliyyət göstərir. S12 tipli köhnə ATS-lər və NGN tipli müasir stansiyalı ATS-lər.

Hazırda S12-dən NGN-ə keçid prosesi gedir. Keçidlə əlaqədər nömrələr dəyişir. Müasir ATS-lərdə  servis xidmətləri daha çox olacaq.  Hazırda 56  indeksli nömrələr 66 indeksə keçirilir. 57 indesklilər isə  67 indeksi ilə  yeni ATS-lərə qoşulur.

Telekommunikasiya qovşağında yerləşən AzTelekomNet  provayderi əhaliyə İnternet xidmətləri də təklif edir. Bu qurum da öz infrastrukturunu yeniləşdirməyə başlayıb.

Belə ki, Provayderin bildirdiyinə görə, hazırda  əhali əsasən aşağı sürətli , 2 Mbit/s sürətində İnternetdən istifadəyə üstünlük verir ki, bunun üçün də 10 manat aylıq ödəniş edir. Qiymətlər haqqında məlumatlar qurumun İnternet saytında yerləşdirilib.

Hazırda AzTelekomNet  əhaliyə optik xətlər üzərindən keyfiyyətli İnternet xidməti üçün yeni layihəyə start verib

Yeni layihədə hər bir abunəçinin evinə qədər ATS-dən optik kabellərin çəkilişi nəzərdə tutulub.

Məltəm Talıbzadə,

Gəncə şəhəri