Yerli icra qurumların populyar xidməti hansılardır?

17-07-2017 / 17:11

Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi yanında  Elektron Xidmətlərin Təşviqi üzrə İctimai Şura hökumətə müraciət edib.

Xeberler.az-ın məlumatına görə, müraciətdə yerli icra hakimiyyətlərinin xidmətlərinin elektron formaya keçirilməsi və regionlarda elektron hökumət quruculuğunun inkişafı ilə bağlı vacib məsələlər yer alıb.

Belə ki, şura yerli icra hakimiyyətlərində ( şəhər və rayon) ilk növbədə elektron formaya keçirilməsi tövsiyyə olunan xidmətlərin siyahısnı hazırlayaraq, hökumətə göndərib.

Siyahını təqdim edirik:

1.  Tikintiyə icazə verilməsi

2. Yaşayış sahəsinin qeyri-yaşayış sahəsinə və qeyri-yaşayış sahəsinin yaşayış sahəsinə keçirilməsi

3.  Bələdiyyə mülkiyyətində olan torpaqların ayrılması ilə əlaqədar rəy

4. Tikinti layihələrinin təsdiqi və qeydiyyata alınması

5.  Uşağın adının və soyadının dəyişdirilməsinə icazə verilməsi;

6.  Yaşayış sahəsinin sosial kirayə müqaviləsi əsasında vətəndaşlara verilməsi

7.  Tikintisinə icazə tələb edilən tikinti obyektinin istismarına icazə verilməsi

8. Dövlət mülkiyyətində olan torpaq sahələrinin istifadəyə və icarəyə verilməsi

9.  Vətəndaşlara ailə vəziyyətini təsdiq edən arayışlar və digər arayışların verilməsi

10. Yaşayış sahəsinə ehtiyacı olan qismində vətəndaşların uçota alınması

11. Yaşayış sahəsinin kirayə müqaviləsinin dəyişdirilməsi

12.  Yaşayış sahəsinin yendiən qurulması və yenidən planlaşdırılması

13.  Məlumatlandırma icraatı qaydasında tikintisi nəzərdə tutulan binaların layihələrinin memarlıq-planlaşdırma bölməsinin razılaşdırılması

14. Vətəndaşların elektron qəbula yazılışı və elektron müraciət

Qeyd edək  ki, siyahı Vətəndaşlara Xidmət və Sosial İnnovasiyalar üzrə Dövlət Agentliyi yanında Elektron Xidmətlərin Təşviqi üzrə İctimai Şura tərəfindən aparılan sorğular və araşdırmalar, həmçinin də İctimai Şuranın  maraqlı tərəflərin iştirakı ilə keçirilən  22 iyun 2017-ci il tarixli Toplantısında reallaşan müzakirələr əsasında  qəbul edilib.

 Xeberler.az

 

 

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.