1070 ədəd qeydiyyatdan keçməyən radioelektron vasitələri aşkarlanıb

12-10-2009 / 19:27

2009-cu ilin 9 ayı ərzində Dövlət Radiotezliklər İdarəsi tərəfindən 405 təşkilat, müəssisə və şirkətlərdə istismar olunan radioelektron vasitələrinə (REV) texniki baxış keçirilib və müvafiq qaydada aktlar tərtib edilib. Müəssisə və təşkilatlarda keçirilən texniki baxış zamanı 1070 ədəd DRİ-də qeydiyyatdan keçməyən müxtəlif növ REV-i aşkarlanıb.

Onlardan 630 ədədi qeydiyyata salınıb , 167 ədədi möhürlənib, 253 ədədinin qeydiyyata salınması üçün müvafiq tədbirlər görülür, 20 ədədi isə istismara yararsız olduğu üçün silinib. İş planına uyğun olaraq, Respublika üzrə geniş şəbəkəyə malik Azərbaycan Dövlət Dəmir Yolu idarəsi, Dövlət Gömrük Komitəsi və Teleradio İstehsalat Birliyinin obyektlərində REV-nə texniki baxış keçirilib.

O cümlədən Bakı şəhəri üzrə ATS-lərin, rabitə qovşaqlarının binasının damında və ərazisində quraşdırılmış REV-nə texniki baxış keçirilib. Dövlət qeydiyyatdan keçməyən qeyri-qanuni REV istifadəçilərinə qarşı 121 protokol yazılıb, müvafiq hüquqi tədbirlər görülüb.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.