Radiotezliklər üzrə Dövlət Komissiyasının növbəti iclası keçirilib
Radiotezliklər üzrə Dövlət Komissiyasının növbəti iclası keçirilib. Tədbirdə radiotezlik resurslarından səmərəli istifadənin təşkil olunması məqsədilə tezlik resurslarının istifadəsi ilə bağlı təkliflər müzakirə olunub, müraciətlər ayrı-ayrılıqda komissiya üzvləri tərəfindən araşdırılıb.
İclasın protokol qərarına əsasən 18 müəssisə və təşkilata yeni tezliklər ayrılıb, 9 müəssisə və təşkilata radiotezliklərin ayrılması üzrə texniki araşdırmaların aparılması müəyyənləşdirilib, 1 müəssisədən tezlik resurslarından səmərəli istifadə olunmadığından tezlik nominalları geri alınıb.
Bundan əlavə, Elektron Rabitə Komitəsinin (ECC/DEC (06)(07)) saylı qərarı 13 mart 2009-cu il tarixli dəyişikliklər nəzərə alınmaqla respublikada tətbiqi məqsədəuyğun hesab edilib. Eyni zamanda Dövlət Radiotezliklər İdarəsində müvafiq qaydada qeydiyyatdan keçirilməklə Elektron Rabitə Komitəsinin 1 dekabr 2006-cı il tarixli ECC/DEC (06)(07) saylı qərarına (13 mart 2009-cu il tarixli əlavələrlə) müvafiq olaraq respublikanın hava hədlərində təyyarələrdə yerləşdirilmiş Bort GSM sistemlərinə GSM-1800 tezliklərindən istifadəyə icazə verilib.
