AİF Kosmik Məsələlər üzrə Şuranın sədri , akademik Arif Paşayevə müraciət edib
02-04-2012
14:27
Azərbaycan İnternet Forumunun Müraciətində Azərbaycanın milli peykinin orbitə çıxarılması məsələsinin son dövrlərdə cəmiyyətdə kifayət qədər aktual mövzuya çevrildiyi qeyd edilib.
Ölkədə bu istiqamətdə , ümumiyyətlə "Azərbaycan Respublikasında kosmik sənayenin yaradılması və inkişafı üzrə Dövlət Proqramı” çərçivəsində bir sıra işlər görüldüyü bildirilib. Kosmik infrastrukturun ölkədə telekommunikasiyanın inkişafına təkan verəcəyi, texnologiyalar və innovasiyalara geniş yol açacağı vurğulanıb.
Bununla belə Müraciətdə AİF bu istiqamətdə cəmiyyətdə informasiya mühitinin yetərli olmadığını vurğulayıb. AİF Peyk İnterneti ilə, kosmik vasitələrdən hansı xidmətlərin təklif ediləcəyi ilə bağlı, kadrlara olan tələbat , texnologiyalar və innovasiyalarla bağlı cəmiyyətdə informasiya qıtlığı müşahidə olunduğunu diqqətə çatdırıb.
Bunu nəzərə alaraq AİF adı çəkilən Şuraya müraciət edərək qeyd olunanlarla bağlı İnternet ictimaiyyəti ilə görüşün keçirilməsini, ictimai müzakirənin təşkilini və vətəndaş cəmiyyətinin bu prosesdə iştirak üçün şərait yaratmasını xahiş edib.
xeberler.az /Günel
