Akademik Arif Paşayev və Saqdeyev Azərkosmos-a səfər edib

03-07-2015 / 12:25

Kosmik Məsələlər üzrə Şuranın sədri və Milli Aviasiya Akademiyasının rektoru, akademik Arif Paşayev və SSRİ Elmlər Akademiyasının Kosmik Tədqiqatlar İnstitutunun uzun illər direktoru olmuş və hazırda ABŞ-ın Maryland Universitetinin professoru, akademik Roald Zinnuroviç Saqdeyev Azərkosmos ASC-nin Əsas Yerüstü Peyk İdarəetmə Mərkəzinə (ƏYPİM) səfər edib.

Xəbərlər-in verdiyi məlumata görə, görüş zamanı akademiklərə Azərkosmos-un fəaliyyəti, idarəçiliyində olan peyklər, ƏYPİM-in fəaliyyəti və şirkətdəki kadr hazırlığı barədə geniş məlumat verilib.

Qafqazın ilk peyk operatoru olan Azərkosmos-un formalaşmasında, eləcə də ölkəmizdə kosmik proqramın inkişafı sahəsində dəyərli rolu olmuş akademik Arif Paşayev Azərkosmos-un fəaliyyətindən məmnun olduğunu qeyd edib və şirkətin gələcək fəaliyyətinə dair tövsiyələrini bildirib.

Akademik Saqdeyev də göstərilən diqqətə görə təşəkkürünü bildirərək Azərbaycanda kosmik fəaliyyətin uğurla həyata keçirildiyini  və bu sahədə kifayət qədər ixtisaslı kadrların hazırlandığını qeyd edib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.