RƏQƏMSAL DÜNYA

Dünən anspress.com saytına daxil olub yeni məlumatlarla tanış olmaq istəyən oxucular bir gün öncənin xəbərlərini görüblər.

Xeberler.az bildirir ki, portalın şef-redaktoru Kəmalə İsgəndərova deyib ki, fəaliyyətlərində müvəqqəti texniki problemlər üzə çıxdığından hələlik sayta anspress.ws ünvanının köməyi ilə daxil olmaq mümkün olacaq. Onun sözlərinə görə, problem servis xidməti ilə bağlı yaranıb. Portalın yeni dizaynda olan halında informasiyalar bir qədər azlıq təşkil edir. Amma bu da texniki problemlərlə bağlıdır. Servislə problem həll olunan kimi oxucular anspress.com yazıb, portala girə biləcəklər. Ona görə bir-iki günlük problemə görə, elan verib oxucuları çaşdırmaq istəmirik».

K.İsgəndərova həmçinin bundan sonra saytda daha çox analitik yazılara yer verəcəklərini də deyib. Onun sözlərinə görə, bu zaman portalın öz analitiklərinin yazılarından istifadə olunacaq: «Bizim məqsədimiz portalın öz analitiklərinin formalaşmasıdır. Ekspertlərimiz azdır. Ona görə də gənclərin potensialını görüb onu qabardırıq». (Yeni Müsavat)

Qeyd edək ki, bu gün səhər saatlarında sayt yeni dizaynda normal işləyirdi. Hal-hazırda isə, ANSpress.com və ANSpress.ws saytları ümumiyyətlə açılmır.

Xeberler.az