TƏHLİL

İnternet məkanda ən vacib səhifələr xəbər saytları sayılır.Azərbaycanda da istifadəçisinin sayından asılı olmayaraq fəaliyyət göstərən çoxlu belə saytlar var. Milli internet məkanda xəbər saytları əsasən Azərbaycan və rus dillidir.Azərbaycandilli xəbər saytlarının edilən müraciətlərə görə ardıcıllığı belədir :

1.www.musavat.com - “Yeni Müsavat” qəzetinin veb səhifəsi.Gün ərzində edilən müraciətlərin sayı 6-10 min arası
2. www.lent.az- fəaliyyətə başlamasından elə də uzun müddət keçməsə də gün ərzində sayta 6-8 min müraciət edilir.
3. www.apa.az Azəri-Press Agentliyinin veb səhifəsi  (5-7 min ziyarətçi)
4. www. azadliq.org- Radionun yayımına milli tezliklərdə qoyulan qadağadan sonra Azadlıq Radiosunun elektron variantına müraciətlərin sayı gün ərzində təxmini 3-4 minə arasında dəyişir.
5. www.anspress.com -xəbər saytına da gün ərzində 3-4 min istifadəçi müraciət edir
6. www.xazar.info saytına isə 2 minə yaxın ziyarətçi “baş çəkir”

  Sonrakı yerlərdə www.mediforum.az (maksimum 1500), www.bizimyol.az (800-900), www.mia.az (200-300) dururlar.Bunlardan əlavə olan xəbər saytlarına isə daha az müraciət edilir.

 Rusdilli xəbər saytları isə bu siyahıda olanların hamısını geridə qoyur.Ən çox müraciət www.trend.az saytına edilir-gün ərzində 27-32min arası dəyişir.

Daha çox reklam edilən sayt olan www.day.az saytının isə 25-31min ziyarətçisi olur. Müqayisə üçün Rusiyada xəbər saytlarının bir nümunəsinə nəzər salaq.Lenta.ru saytına 300-320 min dəfə müraciət edilir.

Lakin azərbaycandilli xəbər saytları nəinki rusdilli saytlarla, heç əyləncə saytları ilə də rəqabət apara bilmirlər. Misal üçün www.big.az saytına gün ərzində 12-14 min “user” daxil olur. Təkcə www.musavat.com liderliyi nadir hallarda ələ keçirir.

Xəbər saytlarının populyarlığının aşağı olmasının səbəbləri arasına saytların “xəbər oğurluğu”, yenilik etməmələri və Azərbaycanda internet sürətinin əksərən zəif olmasıdır. Xəbərləri canlı video şəklində izləmək istəyənlər bu imkandan tam yararlana bilmirlər.