Asankadr.az-a hücum olubmu?

23-02-2016 / 11:00

Ötən gün sosial şəbəkələrdə yayılan məlumatlara görə,  www.asankadr.az saytında qeydiyyatdan keçən  istifadəçilərin elektron poçt ünvanları və şifrələri sındırılaraq məlumatları açıq paylaşılıb.

Bu saytda qeydiyyatdan keçənlərin e-mail ünvanlarının siyahısı hələ də internetdə , sosial mediada istifadəçilər tərəfindən paylaşılmaqdadır.

Hətta bəzi ekspertlər siyahıda e-maili olan istifadəçilərə tövsiyə edir ki, dərhal öz e-maillərinin şifrələrini dəyişsinlər. 

Məsələ ilə bağlı ASAN xidmət -dən Xeberler.az-a verilən məlumata görə, yayılan məlumatlar əsasızdır və www.asankadr.az saytının fəaliyyətində heç bir dayanma və fasilə müşahidə olunmayıb. Sayt normal fəaliyyətini davam etdirir:

“Qeyd edək ki, www.asankadr.az saytı fəaliyyətə başladığı ilk gündən etibarən dəfələrlə bu cür cəhdlər göstərilib, saxta səhifələr hazırlanaraq istifadəçilərin belə səhifələrə yönləndirilməsi yolu ilə şifrələrinin toplanılması halları müşahidə olunub. Bununla bağlı www.asankadr.az saytının cavabdeh şəxsləri tərəfindən saytın üzvləri məlumatlandırılıb və bu kimi halların qarşısı alınıb. Hazırda yayılmış məlumatların heç bir əsası yoxdur. Sosial şəbəkələrdə yayılmış şifrəli məlumatlar geri çevrilsə belə bu məlumatlarla asankadr.az saytında olan müvafiq profillərə daxil olmaq mümkün deyil. Bunu istənilən şəxs yoxlaya bilər”.

Məlumatda qeyd edilib ki, asankadr.az saytının istifadəçilərdən xahiş olunur ki, tək bu sayta deyil, istənilən sayta digər saytlarda yerləşdirilmiş keçid vasitəsilə daxil olarkən internet bələdçisinin ünvan sahəsinə diqqət etsinlər və belə feyk(saxta) səhifələrlə qarşılaşdıqda mütləq www.asankadr.az saytının rəhbərliyinə məlumat versinlər.

Bu saytda qeydiyyatdan keçənlərin e-mail ünvanlarının siyahısı hələ də internetdə , sosial mediada istifadəçilər tərəfindən paylaşılmaqdadır.

Bəzi ekspertlər siyahıda e-maili olan istiafdəçilərə tövsiyə edir ki, dərhal öz e maillərinin şifrələrini dəyişsinlər. 

 

Məltəm Talıbzadə 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.