Milli sosial şəbəkə istifadəyə veriləcək

13-09-2012 / 16:34
Sentyabrın 17-də “www.azerbaijans.com” saytının növbəti layihəsi – “www.butalife.com” sosial şəbəkə saytı istifadəyə veriləcək.

Saytın yardıcısı İlham Abdiyev ANN.Az-a bildirib ki, “www.butalife.com” sosial şəbəkəsi öz tipinə və mahiyyətinə görə digər sosial şəbəkələrdən, xüsusilə milli sosial şəbəkələrdən fərqlənəcək:

“Məlumdur ki, hər bir insanın həyatın müxtəlif sferalarında, xüsusilə müasir informasiya cəmiyyətində sosiallaşması onun həm fərdi, həm də ictimai yöndə inkişafının əsas şərtlərindəndir. Belə ki, istənilən anda cəm olma, bizi əhatə edən informasiyaların təhlili, mənimsənilməsi və mübadiləsi müasir dünyagörüşünün formalaşmasında xüsusi çəkiyə malikdir. Məhz sosiallaşma insanı cəmiyyətin aktiv bir üzvünə çevirir və hər bir fərdin cəmiyyət üçün yararlığını artırır. Bütün bu söylənilənləri əsas hədəf kimi seçən “www.butalife.com” sosial şəbəkəsi öz tipinə və mahiyyətinə görə digər sosial şəbəkələrdən, xüsusilə milli sosial şəbəkələrdən fərqlənəcək”.

Bu sayt ilk növbədə Azərbaycandan dünyaya açılan pəncərə olacaq: “Əsas hədəfimiz milliliklə yanaşı, beynəlxalq status qazanmaq və dünyada sosial debatların ən etibarlı məkanlarından birinə çevrilməkdir. “www.butalife.com” sosial şəbəkəsi internet məkanında tanınmış digər sosial şəbəkələrin bir çox üstün cəhətlərini psixoloji anlar nəzərə alınmaqla həm vizual, həm də texniki baxımdan özündə birləşdirən bir sayt olacaq. Bundan əlavə, sayta onlayn TV-lər, dünyanın ən populyar informasiya vasitələrinin xəbər manşeti yerləşdirilmiş blok, blogger səhifələri, imtahan-test, biznes bölmələri və s. əlavə olunacaq ki, bunu sosial şəbəkələr üçün yenilik kimi qiymətləndirmək olar”.(ann.az)

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.