“Etik Jurnalistika Təşəbbüsləri-Azərbaycan” layihəsi çərçivəsində keçirilən təlimlərdə Azərbaycanın aparıcı 28 kütləvi informasiya vasitəsi redaksiyasından bütövlükdə 30 jurnalist iştirak edib.
Layihənin müəllifi Beynəlxalq Jurnalistlər Federasiyası və Jurnalistlərin Həmkarlar İttifaqından (JuHİ) verilən məlumata görə, təlimləri Beynəlxalq Jurnalistlər Federasiyasından olan beynəlxalq ekspertlər keçiriblər və onlar Azərbaycan jurnalistlərinə peşə fəaliyyətlərini yerinə yetirərkən təhlükəsizliklərini təmin etmək məqsədilə müasir beynəlxalq təcrübə barədə məlumat veriblər. Məşğələlərdə müxtəlif praktiki tapşırıqlar yerinə yetirilib. Jurnalistlərin Həmkarlar İttifaqının sədri, layihənin koordinatoru Müşfiq Ələsgərli seminarların keçirilmə məqsədindən danışıb : “Seminarların keçirilməsində əsas məqsəd jurnalistləri beynəlxalq sahədə mövcud olan təhlükəsizlik modulları ilə tanış etmək və bu sahədə onların biliklərini artırmaqdır. Belə ki, jurnalistikada siyasiləşmə amilinin yüksək olması həmçinin, Azərbaycanın müharibə şəraitində olması araşdırma ilə məşğul olan jurnalistlər üçün spesifik problemlər yaradır. İndiki təlimlərin keçirilməsi Azərbaycan jurnalistlərinə imkan verir ki, onlar konfliktli məsələlər barədə araşdırma apararkən, yaxud münaqişəli məntəqələrdən reportajlar hazırlayarkən, öz təhlükəsizliklərini təmin edə bilsinlər”.
Qeyd edək ki, Etik Jurnalistika Təşəbbüsləri - Azərbaycan layihəsi Avropa Komissiyasının Azərbaycan nümayəndəliyinin maliyyə dəstəyi ilə həyata keçirilir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları