Bakı Riyeltorlar Assosiasiyası (BRA) Azərbaycanda daşınmaz əmlakın vahid elektron bazasının yaradılması üzrə işlərin birinci mərhələsinə başlayıb. BRA-nın həmtəsisçisi Nüsrət İbrahimovun sözlərinə görə elektron bazanın yaradılması üzərində işlər artıq aparılır.
“Birinci mərhələdə baza üçün proqram təminatı yaradılacaq. Proqramçılar artıq bu istiqamətdə müvafiq işlər görürlər. Kompüter avadanlığın alınması isə lazımi vəsaitin olmamasına görə hələ həyata keçirilmir”, - deyə N. İbrahimov bildirib.
Layihənin məbləği 150 min ABŞ dolları təşkil edir. Assosiasiya tərəfindən sistemin ilkin variantı hazırlanıb. Sistem bütün regionlardan riyeltorlar tərəfindən alınan məlumat əsasında təşkil olunacaq. Sonra həmin məlumatın mərkəzləşdirilmiş qaydada emalı və yerləşdirilməsi, yəni daşınmaz əmlak bazarındakı tələbat və təklif üzrə vahid bazanın yaradılması nəzərdə tutulur. Bunun əsasında BRA analitik məhsullar hazırlayacaq və dünyada qəbul olunmuş bazar indekslərini aparacaq. Qeyd edək ki, sistemin həm açıq həm də kommersiya hissələrinin olması nəzərdə tutulur.
Layihənin həyata keçirilməsinə Azərbaycanın AZEL şirkətinin cəlb olunması planlaşdırılır. Əvvəlcə bütün Respublika, ilk növbədə isə Bakı şəhəri üzrə şəbəkə yaradılacaq və bütün riyeltorlar ofisləri lazımi texnika və internetə çıxışla təmin olunacaq. Layihənin ilkin mərhələsinin 2-3 ilə həyata keçiriləcəyi, vahid informasiya bazasının isə 5 ilə istifadəyə veriləcəyi gözlənilir.// www.abc.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları