Azərbaycanın milli domen adlarının stop-vərəqəsi genişləndirilir

14-03-2013 / 20:51
Azərbaycanın milli domen adlarının stop-vərəqəsinin genişləndirilməsi üzrə işlərin sürətləndirilməsi gözlənilir. Azərbaycanın İnformasiya təhlükəsizliyi mərkəzinin rəhbəri və “milli *.az” domeninin administratoru Faiq Fərmanov “ICTnews”-a verdiyi məlumata əsasən, hazırda bu stop-vərəqədə artıq 100-ə yaxın Azərbaycan domeni var.
“Bu stop-vərəqəyə arzuedilməz domen adları ilə yanaşı, Azərbaycanın coğrafi adlarını, ölkənin milli-mədəni və tarixi dəyərlərinin adlarını göstərən domen adları daxildir. Gələcəkdə biz Azərbaycan Milli Elmlər Akademiyasının Dilçilik İnstitutunun, Mədəniyyət və Turizm Nazirliyinin mütəxəssislərinin iştirakı ilə və Rabitə və İnformasiya Texnologiyaları Nazirliyinin köməyi ilə bu siyahını genişləndirmək niyyətindəyik. Bu siyahıya coğrafi adlarla yanaşı, onların üçhərfli nişanlarda və ölkənin tarixi şəxsiyyətlərinin adları və soyadları daxildir”, - deyə F. Fərmanov bildirib.
F. Fərmanovun sözlərinə əsasən, bu tədbirlər kiberskvottinqin (cybersquatting — domenlərin gələcəkdə təkrar satış məqsədi ilə qeydiyyatı) qarşısını almaq məqsədi ilə edilir.
Qeyd edək ki, bəzi hallarda müəyyən domen adları gələcəkdə şantaj və pul qoparmaq məqsədi ilə kənar şəxslər tərəfindən qeydiyyatdan keçirilir.
Aynur Vəliyeva 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.