Azərbaycanın Rabitə Nazirliyi informasiya təhlükəsizliyi standartlarını qəbul edib

26-10-2010 / 09:08

Azərbaycanın Rabitə və İnformasiya Texnologiyaları Nazirliyi yanında \"İnformasiya-kommunikasiya texnologiyaları\"nın standartlaşdırılması üzrə Texniki Komitə informasiya təhlükəsizliyi üzrə standartları qəbul edib. Bu barədə nazirliyin bazar ertəsi yaydığı məlumatda deyilir.

İdarənin məlumatına görə, komitə ISO/IEC 27001:2005, ISO/IEC 27005:2008, ISO/IEC 11770-1:1996 və ISO/IEC TR 18044:2004 beynəlxalq standartları əsasında işlənib-hazırlanmış informasiya təhlükəsizliyi üzrə milli standartları qəbul edib. Standartlar müvafiq dövlət qeydiyyatı üçün Dövlət Standartlaşdırma, Metrologiya və Patent Komitəsinə təqdim olunacaq. Həmçinin, komitənin 2010-cu il üzrə iş planına uyğun olaraq, ISO/IEC 2382 standartlarının 7-ci, 28-ci və 34-cü hissələrinə əsaslanan İT-terminologiyaları üzrə milli standartlar da işlənib-hazırlanıb. Bu gün ekspertlər tərəfindən standartların uyğunlaşdırılmasının yoxlanması üzrə iş aparılır. Standartlaşdırma üzrə Texniki Komitə tərəfindən kompüter klaviaturasında Azərbaycan əlifbasının yerləşməsi və digər məsələlərə də baxılır.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.