İnformasiya texnologiyasında milli standartlar
25-06-2011
18:41
Azərbaycanda informasiya-kommunikasiya texnologiyaları xidmətləri üzrə yeni milli təsnifat təsdiq edilib. Bu barədə Rabitə və İnformasiya Texnologiyaları Nazirliyi məlumat yayıb.
Xidmətlərin yeni statistik təsnifatında lazım olan, eləcə də Azərbaycanda informasiya-kommunikasiya texnologiyaları sahəsində artıq göstərilən xidmətlər yer alıb.
Standartlaşdırma, Metrologiya və Patent üzrə Dövlət Komitəsi tərəfindən AZT 042-2011 nömrəsi ilə qeydiyyata alınan təsnifat iyunun 20-dən tətbiq edilməyə başlayıb.
Qəbul edilən təsnifat Avropa İqtisadi Birliyi Statistika Komissiyasının CPA 2008 (Classification of products by activity) təsnifatının bazası əsasında hazırlanmışdır və informasiya-kommunikasiya texnologiyaları (İKT) sahəsində göstərilən və tələb olunan xidmətləri təsvir etmək üçün nəzərdə tutulur. Həmçinin, bu təsnifata hazırda ABŞ, Kanada və Meksikada tətbiq edilən "North American Product Classification System" təsnifatında əksini tapmış aktual İKT xidmətləri də salınıb.
Layihə aidiyyəti dövlət qurumları, elmi və təhsil strukturları ilə razılaşdırılıb.
Hazırda İKT məhsulları üzrə milli təsnifatın hazırlanması üzrə işlər aparılır.
