Məlum olduğu kimi, Oracle şirkəti öz məhsulları üzrə (Oracle Verilənlər Bazası, Java, Solaris və s.) sertifikatlar təqdim edir.
Azərbaycandan olan proqramçı Vüsal Xəlilov «Oracle»nin Java texnologiyası üzrə ən yüksək səviyyəli «Oracle Certified Master» (OCM) sertifikatına layiq görülüb. Azərbaycandan indiyə qədər Oracle bazası üzrə OCM statusu olan mütəxəssislər olsa da, Java proqramlaşdırma texnologiyası üzrə Vüsal Xəlilovun əldə etdiyi sertifikat ilkdir. O, 92% göstərici ilə bu sertifikata layiq görülüb.
OCM daha geniş spekterli proqram tərtibatı ilə məşğul olan, nəhəng sistemlərin arxitekturasının qurulması üçün lazımi bilikləri olan şəxslərə göstərdikləri imtahan nəticələrinə və fəaliyyətlərinə əsasən təqdim olunur.
Məlumat üçün bildirək ki, Vüsal Xəlilov 1987-ci il təvəllüdlüdür. Bakı Dövlət Universitetinin İnformatika ixtisası üzrə bakalvr və magistr dərəcələrində məzunudur. Hazırda «Azercell» şirkətində çalışır. (technimum.com)
