Xanımlar üçün növbəti İT təlimlərə başlanır

11-09-2016 / 14:39

Məlumat verdiyimiz kimi, WOWOMAN qadınların peşəkar və şəxsi inkişafı üçün yaradılan platformadır. İT elmini xanımlar arasında təbliğ etmək və bu sahədə xanım mütəxəssislərin sayını artırmaq məqsədi ilə Tech-Tech Xanım layihəsini yaradılıb.

Layihənin birinci mərhələsində bu günə qədər 4 peşəkar təlimçi tərəfindən İT Əsasları üzrə Software Development, Server Administration, Database Administration və Network Fundamentals kursları, ikinci mərhələsində Ramin Orucovun rəhbərliyi ilə Java Web development kursu təşkil olunub.

İndi isə Tech-Tech Xanım layihəsinin üçüncü mərhələsi olan Oracle Database Administration kursuna başlayır.

Bu barədə Xeberler.az-a layihə komandasından məlumat verilib.

Qeyd edilib ki, dərslər həftədə 2 dəfə olacaq. Kurs 3 ay davam edəcək.

Təlim Dünya miqyaslı ekspert ,Oracle Certified Master, Azercell-in Verilənlər Bazası şöbəsinin direktoru Kamran Ağayev tərəfindən təşkil ediləcək.

İştirak etmək istəyənlər üçün əsas tələblərdən isə Basic SQL bilikləri və məntiqi düşüncə qabiliyyəti tələb edilir.

Qeyd edilib ki, yerlər məhduddur və son müraciət tarixi sentyabrın 22-də bitir.

Müraciət üçün buradan formanı doldurmaq lazımdır.

Nəzərinizə çatdıraq ki,seçim mərhələsindən uğurla keçən xanımlar tələb olunan biliklərin yoxlanılması üçün test mərhələsinə dəvət olunacaq.

Hər hansı bir sualınız yaranarsa, [email protected] vasitəsilə əlaqə saxlaya bilərsiniz.

 

Məltəm Talıbzadə

 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə