TƏDBİRLƏR

Bu gün Qafqaz Universitetində Azərbaycan Oracle İsitfadəçilər Qrupunun növbəti görüşü keçirilib.

Xeberler.az-ın məlumatına görə, görüşdə Oracle ilə bağlı texniki mövzularda sessiyalar olub.

Toplantıda 2 mövzu ətrafında çıxışlar olub.

Percona LLC-də Backup həllər üzrə keyfiyyətə nəzarət mühəndisi vəzifəsində çalışan Şəhriyar Rzayev “ MySQL verilənlər bazasının nüsxəsinin çıxarılması və bərpası üsulları” mövusunda çıxış edib.

Qeyd edək ki, Şəhriyar Rzayev  həmçinin Azərbaycan MySQL User Group-un yaradıcısıdır. Sosial mühitdə texniki fəaliyyətlərindən dolayı 2015 MySQL Contributor Award-a layiq görülüb. OCP MySQL Administrator və RHCSA sertifikatlarına sahibdir.

Bu sessiyada  MySQL-də nüsxənin çıxarılması üsulları, həmçinin bəzi crash ssenarilərlə, əyani olaraq bərpa üsulları göstərilib. Backup növləri və MySQL-ə aid vasitələr, konfiqurasiya üsulları və bir sıra əlavə məlumatlar verilib.

İkinci sesiyada isə Mərkəzi Bankın əməkdaşı Mahir Quluzadə “Oracle Verilənlər bazasının İn-Memory özəlliyi” mövzusunda çıxış edib.

Mahir M. Quluzadə AzerOUG-nin idarı heyətinin üzvüdür. Oracle Technology Network-də bir çox texniki məqalələrin müəllifidir, OTech Magazine jurnalının yazarlarındandır. 2015-ci ildən etibarən Oracle ACE mükafatına sahibdir.

Məltəm Talıbzadə